Pegel Konstanz
Willkommen beim Segelclub Schwäbisch Gmünd e.V.

Oms glei zom saga, mir segled aufam Wasser! Mid Seglböödla! Middam Wend!
Mir sen oiner von de gloinschte und neddeschde Vorei mid amma ovorkennbar – Nomen est Omen - schwäbischa Hendergrond.
Mir kommed ausra Stadd, wo mr bestimmd net Segla ka, weils ned gnuag Wassobrflächa gibt. Aus laudar ekologischam Guadglauba hemmir ons aber derra Fordbewegungsart vorschrieba. Ha ja, au weils halt net so viel deira Sprit koschtet. Solang d’Wendkraft no ned von dr Obrigkeit entdeckt wird. Mir sen abar ned bloos pähb; wenn mir ons jeden dridda Donnerschdich dreffad, gäba mr scho au was fir dr Sprit aus, en onsaram Boizle. Do gots au meischdens luschdig zua, au wenn mr wirklich ned bloos Schwoba senn. Segla deamr sganz Johr, irgendwo uff dr Welt. Weil mir Schwoba gern en dr Weltgschicht onderwegs send. Ond wenn’s nofahra scho so deier isch, wella mr wenigschdens beim Segla d’Wendkraf ausnitza. Wia gsagt, manchmals semmor scho pähb.
Bei ons isch ajeder ond ajeda willkomma, wia gsagt, jeden dridda Donnerschdich em Monat, meischdens en dr Kloina Schweiz em Becherleha en Gmend. Mr sagds ja: Willkomma beim Segelclub Schwäbisch Gmend!
© Copyright 2007-2017 Segelclub Schwäbisch Gmünd e.V. - Alle Rechte vorbehalten.